EAJ-PNV 2011ko Hauteskunde Orokorrak

Güeñesen, esaterako, espaloiak egin ahal izango dira eta Artxubeko zeharbideko maldari eutsi (900.000 euro). Markina-Xemeinen, zubi berri bat egingo da Artibai ibaiaren gainean, herrirako sarbidea hobetzeko (550.000 euro). Morgako lanei esker (50.000 euro), murriztu egin ahal izango da herritik pasatzen diren ibilgailuen abiadura, eta horrek hobetu egingo du errepide horren segurtasuna, bai oinezkoentzat, bai gidarientzat. Ugao-Miraballesen, berriz, herriko sarbideak hobetu, eta trenbidearen azpiko igarobidea hobetuko dute, Barren kalean, Aldundiarekin sinaturiko hitzarmenari esker; izan ere, milioi bat euroko ekarpena egingo du Aldundiak, proiektu hori gauzatzeko. Zeanurin, azkenik, BI-3530 errepideko 700 metroko tarte batean egingo dira lanak: oinezkoen segurtasuna hobetuko da, jendea sarri ibili arren zirkulazioaren aurrean babesik gabe pasatzen diren tarte horretan.